Hier is part vier

ontspan op die plaas nie. Toe haar pa opdaag, het Gerda gaan slaap want hulle ry vroeg die volgende oggend. Dadelik het sy aan die slaap geraak en begin droom van die plaas en die diere. Sy droom al die diere praat met haar en sy verstaan hulle. ‘n Feetjie het ook oor die diere gewaak en hulle beskerm. Die volgende oggend word sy speels- speels wakker gemaak deur die son se strale. Sy voel verward en onseker oor haar droom en dink “sal dit nie wonderlik wees as die diere kon praat en sy hulle kon verstaan nie,” dink Gerda. Skielik hoor sy haar ma en pa praat buite by die motor en weereens besef sy die groot dag het aangebreek en sy gaan plaas toe. Sy spring uit die bed , gaan badkamer toe om te stort en trek vinnig aan. Haar boetie gaan in sy nagklere, want hy is nog vas aan die slaap. Gerda help om al die bagasie in te laai en ook die padkos, wat haar ma die vorige aand gemaak het. Sy weet die plaas is drie ure se ry en daarom vat sy ‘n storieboek saam om te lees. Ook ry Gerda nooit e ̂rens heen sonder dat sy ‘n boek en pen saam vat nie. Daar is te veel goed om te sien en sy hou daarvan om notas te maak van alles wat haar boei en ook nuwe goed op die paaie. Ook gaan haar skaakspel saam want sy en haar Pa speel graag skaak in die aande. Die mees belangrikste items wat sy vat is haar klein “Poly Pocket” Poppies, want so gesels sy met hulle, al antwoord hulle haar nooit nie. Hulle laat haar toe om al haar gevoelens met hulle te deel en ook gaan hulle saam met Gerda in haar fantasie we ̂reld in. Elke een het ‘n naam en elkeen was op haar eie manier spesiaal vir Gerda. Daar was drie poppies. Gerda het hulle by verskillende mense gekry en daarom was hulle so kosbaar vir haar en het hulle altyd saam gegaan waar sy ookal gaan. As sy een moet verloor sal sy so hartseer wees want hulle is onvervangbaar. Ook neem sy altyd haar klein radio saam want musiek is so strelend en ontspannend. Sy is mal oor Afrikaanse musiek en sy geniet dit terdee. Na sowat twee ure se ry , besluit Gerda om ‘n storie te skryf. Sy skryf van ‘n perd en sy ma en al hulle manewales. Ook van wreede mense wat hulle vang en in kampe hou vir hulle eie gebruik. Ook skryf sy van die vul wat nie in gevangenis wil lewe nie en hy breek uit en hardloop die veld in. Nadat sy sowat vier bladsye geskryf het, raak sy aan die slaap. By ‘n vulstasie hou haar Pa stil en maak haar wakker. Nou gaan hulle iets eet en hulle bene rek. Ma wil ook vir boetie was en sy slaapklere uit trek. Hy moet ook nou iets te drinke kry want hy is honger en dors. Haar ma het so lekker padkos gemaak en almal is nou honger. Na ontbyt gaan Gerda se ma in die winkel in om ‘n boek te koop en sy koop ook vars paas eiers, wat sy in die winkel sien. Sy neem dit gou motor toe en sit dit skelmpies onder die sitplek. Sy wil die paas eiers vir ‘n verrassing hou as hulle paas Naweek op die plaas is. Nadat almal nou uitgerus en hulle honger gestil is ry hulle rustig verder. Skaars het hulle begin ry of Jan en Gerda was weer vas aan die slaap. Na sowat ‘n uur se ry maak Gerda se Pa haar wakker. “Kyk Gerda, daar is perde en skape en bokke, en ai die gras is so groen na al die ree ̈n.” Gerda het opgespring en al die diere bewonder. Dadelik was Gerda opgewonde want die plaas was naby en sy voel hoe sy ontspan. Daar was ‘n spierwit perd met ‘n klein pragtige vulletjie, ‘n groot Afrikaner Bul en heelwat koeie en twee donkies wat rustig staan en die we ̂reld bekyk. Die skape en bokke het net staan en vreet aan die lowergroen gras, asof hulle bang was dat die gras sal verdwyn. Skielik se ̂ Gerda se ma “kom ons speel iets soos oogie, oogie, ek sien ‘n voorwerp wat begin met ‘n P.’’ Pa begin lag en Gerda kyk rond opsoek na ‘n voorwerp wat begin met die letter “P”. Skielik op die koppie staan die plaas huis helder en pragtig vir almal om te sien. “Dit is Plaas” skree Gerda en wys na die plaashuis. Na ‘n rukkie vra sy haar Pa om stil te hou. Gerda spring uit en hardloop na die plaashuis. By elke hek staan sy stil en maak dit oop vir die motor. Gerda trippel soos ‘n wildsbokkie deur die gras en bosse na die plaashuis. Oppad sien sy verskillende voels wat alle geluide maak en verskrik opvlieg na die rus versteuring. By die stoep se voordeur wag Gerda se oom vir haar met ‘n glimlag op sy gesig. Die kind van die wind het gekom en al